papa war a schofkopfa
papa war a sprüchklopfa
papa war a bierblauzn
papa war a rechtsaussn

mama war a gulaschkanon
mama war miss desinfektion
mama war hausarrest und tics
mama war da böse blick

i war raviolidosn
i war kurze turnhosn
i war bonanzaradl
i war koa ampfinger sonderfall
i war wia mia olle warn
disco geh und autoscooter fahrn

moni war fenstareihe hintn
moni war zsammsei ohne bindn
moni war großstadt und ausland
moni war reflexion und aufstand

axel war kumm loss mas kracha
axel war klar kenn ma des macha
axel war morrissey und hesse
axel war i spreng olle fesseln

i war raviolidosn
i war kurze turnhosn
i war bonanzaradl
i war koa ampfinger sonderfall
i war wia mia olle warn
disco geh und autoscooter fahrn

ralfi war a nachbarskind
ralfi war ledafransn im wind
ralfi hod sei mofa aufbohrt
ralfi war friah a friedhofsstoa

bine war de squashcenterqueen
bine war arschgweih und piercing
bine war schwarze kuttn
bine war in freimann dann a nuttn

mia habn uns aus de augn valorn, aus jedm is wos anders wordn
in buchbach oda in berlin, olle san ma ampfinger bliebn

i war raviolidosn
i war kurze turnhosn
i war bonanzaradl
i war koa ampfinger sonderfall
i war wia mia olle warn
disco geh und autoscooter fahrn

Ich kandidiere hiermit als Heimatminister.