so nah und doch no so weit drübn
mia redn wia in fieberschübn
und trotz dem nächtelanga übn
kummt nix substanzielles

resistent gega kompliment
türmst du eloquent deine argument
as scheitern scheint dir immanent
dir gehts um prinzipielles

dei mauer schirmt de erfolgreich ab
was haltst davo: mia tragns ab – gemeinsam

dei stolz is stärker ois dei frust
dei angst vui älter ois dei lust
zwoa herzn schlogn se in deina brust
oans davo zu langsam

du windest di und erzählst ma gschichtn
ois würdst vorm letztn gricht berichtn
a litanei des selbstvazichtns
auf de es gar ned ankam

dei mauer schirmt de erfolgreich ab
was haltst davo: mia tragns ab – gemeinsam

a leere flaschn wein, a vawelkta strauss
a ko-i-derf-i-hätt-i-waar-i-chaos
unsere hormone lachan uns aus
wenn oana aufn andern eihackt

es endet sonst wias so oft end
a chance rieselt uns durch d’händ
eigsperrt in unsre eigna vier wänd
bleibt a fader, bittrer beigschmack

dei mauer schirmt de erfolgreich ab
was haltst davo: mia tragns ab – gemeinsam

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s