wirf an ball ins meer
er kummt zruck
sing a liad in wind
er tragts bis in d’nächste stadt

i mal dir jede nacht was aufn buckel
erledig ois wos du erwähnst
bring dir kaffee ans bett
soboid du as erste moi gähnst

fahr am sonntag mit dir in d’berg
kumm an de werktag pünktlich hoam
fliag im urlaub mit dir auf a insel
geh parallel zu dir ausm loam

wirf an ball ins meer
er kummt zruck
wirf an ball in an fluss
du siehst eam nia wieda
i werf dir an ball zua
du fangst’n auf

mia ham zwoa kontn und zwoa autos
aber meins is deins und
wenn du neue zähn brauchst
fang i rechtzeitig o zum sparn

du hast deine freind, i meine freindinnen
weil deins is meins, meins is deins
wenn i moi dei hand brauch
is immer do und langt rüber

sing a liad in wind
er tragts bis in d’nächste stadt
sing a liad in woid
as moos werd drüber wachsn
i sing a liad für di
du singst mit

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s