warum a imma
sie machts imma schlimma
sie hört einfach ned auf

wos is in sie gfahrn
oda warns handystrahln
sie is gar ned guat drauf

grod no ois astrein
facebook-like, reina wein
doppelsmile, hob di gern

dann ruafts mi o, i
geh ned ro, typisch mo
und scho hagelts ärga

warum a imma
sie machts imma schlimma
sie hört einfach ned auf

sie war da hamma
vz, twitter, yammer
in oam, weltweit dahoam

bumpade rippn
große augn, offne lippn
des war as erste date

a gmahte wiesn
direkt aus de miesn
am lebn auf de schippn

oamoi fia imma
’s war jeden tag scheena
i hätt gschworn s’hört ned auf

vui weggeh mit freind
bionad, biowein
sacha macha dass kracht

billigfliagn, zsammmziagn
eikaffa am samstag
am sonntag tatort couch

doch dann erste dis-
tanzn, dem ganzn streit
ned gwachsn is boid schluss

warum a imma
sie machts imma schlimma
sie hört einfach ned auf

wos is in sie gfahrn
obs wohl a xinger war
sie is ma vui z‘guat drauf

warum a imma
sie machts imma schlimma
sie hört einfach ned auf