i ziag dei haustür hoib zua
wo mei auto heid nur wieda parkt?
wia lang mei frau wohl scho wart?
i soitat endlich zu dir steh
nimma so vui liagn
irgendwia dad mas scho hikriagn

zwoa drei sommer
koa problem für di und mi
dann schau ma weida, wieda moi, leida
so is lebn, nehma und gebn
ham und sei, bleibn und geh
traurig und schee

steh i ned drübn bei unserm griechen?
da samma seitdem a nimma nei
dahoam sei hoaßt se entscheidn
für an schnittpunkt aus raum und zeit
vielleicht wars grad soweit
den zu valegn in dei gegnd

drei vier winter
koa problem für di und mi
dann schau ma weida, wieda moi, leida
so is lebn, falln und hebn
vor und zruck, luv und lee
traurig und schee

i lass dei haustür an spoit offen
morgn friah kumm i zruck
mit am koffa schlechts gwissn
und dem sauguatn gfui
endlich zu doa wos i wui
hoffen statt schissern

vier fünf jahreszeiten
koa problem für uns zwoa
dann schau ma weida, wieda moi, leida
so is lebn, hopfn und rebn
ja und na, vazweifeln und vasteh
traurig und schee

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s