familie huaba de is gschiedn
d’tochter is bei da muata bliebn
sonntag laut gricht hod da vata schicht
tag der kinda auf da wiesn

da vata sauft se erstmoi zua
as madl wünscht sie waar a bua
in da geistabahn tatscht ers dann an
tag der kinda auf da wiesn

de oma trinkt a masserl bier
da schwiegasohn sitzt nem ihr
blattl und kuli schiabt er ihr hi
altennachmittag auf der wiesn

des masserl des war vui zu vui
d’oma unterschreibt ois wos er wui
des testament macht eam solvent
altennachmittag auf der wiesn

ja in da voiksfestzeit
regiert bierseligkeit
jeda is moi obn am riesenrad
a rauschen macht se breit
in de engstirnigsten leit
es ruft die pflicht ma steht dicht an dicht

a da landrat zoit sei mass
mit markerl von da kreissparkass
da presse am tisch spendiert er steckerlfisch
tag des landkreis auf der wiesn

de forelln zoit a immobilienhai
der is beim landrat seina partei
wer zoit schafft o a biotop werd zu beton
tag des landkreis auf der wiesn

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s