wos bin denn i für oana, oder wer?
mog wiena, aba schnitzel ned
mach ned vui her a wenn i wenig red
wos bin denn i für oana, oder wer?

wos bin denn i für oana, sog moi o?
hob a krawattn, aba nia ned dro
ehrlich gsagt, hob i grad wieda glong
wos bin denn i für oana, sog moi o?

wos bin denn i für oana, jetz sog du?
hob a schatztruah volla oidm krusch
bin a landbua mitm minga blues
wos bin denn i für oana, jetz sog du?

wos bin denn i für oana, bin i i?
i dad ja geh aber de tür is hi
a großer schmuser, jetz moi ohne schmu
wos bin denn i für oana, bin i du?

bin taktvoll und spontan, mog koan hexametta
laute nachbarn, regnwetta
morgenmoderatoren nerven mi o
und geh ma mit phrasen wia wer ko der ko
i schau aus wia daschissn und wia daspiebm
ma kannt wirklich moana i war übrigbliebn
aba i bin glücklich wia nia zuvor

i schau kaum fernsehn, i rauch koan shit
i trog koan pyjama, i mach selten wo mit
gib koane bussi bussis, aba i gib a nia auf
hob i moi glück dann ham olle an lauf
i brauch koa cabrio, i bin weit über par
i steh auf oben ohne, weil i hab a nimmer vui haar
aba i bin glücklich wia nia zuvor

i schau in de berg
i spür de ruah
de blauweißen wolken
mir is des gnua

i leih meine freind geld, bin valiebt in mei frau
mei couch is mei welt, und unser wohnung a schau
i steh auf ambros solo, nix geht über d’spiders
und mia olle werdn oiter, aba ned gscheida
i werd nia a superstar, des hätt a koan sinn
i  mog einfach nur glücklich sei, wo i a bin

und i bin glücklich wia nia zuvor
i bin glücklich wia nia zuvor

wos bin denn i für oana, oder wer?
mog wiena, aba schnitzel ned
mach wenig her a wenn i z’vui red
wos bin denn i für oana, oder wer?

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s